Үндэсний бүтээн байгуулагч “Гурван Бухат” Групп

Танилцуулга

Үндэсний бүтээн байгуулагч “Гурван Бухат” Групп нь 2009 оноос эхлэн Монголын барилгын салбарт шинэ түүхийг бичиж, өдгөө орон зайгаа тасралтгүй тэлэн, салбарын тэргүүлэгч хүч болон өргөжиж буй бахдам амжилтын түүхтэй билээ.

Манай групп нь барилгын төслийн удирдлага, менежмент, хөрөнгө оруулалт, үйлдвэрлэл, мөн дотоод болон гадаад худалдааны дөрвөн гол чиглэлд тэргүүлэх байр сууриа эзэлж, бетон зуурмагийн үйлдвэр, хуванцар, металл цонх хаалга, тавилгын үйлдвэрлэл, цахилгаан, дулаан хангамж, агаар сэлгэлтийн угсралт зэрэг салбаруудад тэргүүлэх технологи, мэргэжлийн өндөр түвшинд үйл ажиллагаагаа амжилттай явуулж байна.

Бид Монгол улсын барилгын салбарт жишиг тогтоохуйц, хүн-байгальд ээлтэй бодлого, төлөвлөлттэй, интерьер, экстерьер, тохижилтын оновчтой, шинэлэг шийдэл бүхий 2100 гаруй айлыг орон сууцаар хангах, 8 төслийг хэрэгжүүлж, 1000 гаруй хүнийг ажлын байраар тогтмол хангахын зэрэгцээ, группийн 9 салбар компанид 170 гаруй чадварлаг мэргэжилтэн, архитектор, инженер техникийн ажилтнууд нэгэн зорилго, нэгэн тэмүүллээр хамтдаа хичээнгүйлэн ажиллаж байна.